Aǵzasy donorlyqqa berilgen marqumdardyń týysyna aqy tólene me
ASTANA. KAZINFORM – Densaýlyq saqtaý mınıstrligi Kazinform saýalyna joldaǵan jaýabynda aǵzasy donorlyqqa berilgen marqumdardyń týysyna aqy tóleý máselesine baılanysty túsinikteme berdi.
«Aǵza donorynyń týysyna ótemaqy tóleý máselesi vedomstvoaralyq deńgeıde talqylanady. Óıtkeni bul másele qarjylyq, quqyqtyq jáne basqa da aspektileri qamtıdy», - delingen jaýapta.
Buǵan deıin vedomstvo Qazaqstanda ólimnen keıingi aǵza donorlyǵy qalaı damyǵanyn aıtqan bolatyn.
«2019 jylǵa deıin jyl saıyn ólimnen keıingi aǵza donorynan jasalǵan aǵza almastyrý otalarynyń sany 86-ǵa deıin jetip otyrdy. Álemde ólimnen keıingi aǵza donorlyǵynyń kórsetkishi boıynsha AQSh; Ispanııa, Horvatııa elderi kósh basynda tur. TMD elderiniń ishinde Belarýs tizimniń aldynda. Bul elderde ólimnen keıingi aǵza donorlyǵynyń kórsetkishi orta eseppen 1 mln adamǵa 31-den keledi. Dúnıejúzilik densaýlyq saqtaý uıymynyń jahandyq esebi boıynsha, Qazaqstanda bul kórsetkish — 0,021», — dep jazylǵan mınıstrlik málimetinde.
