Aǵzańyzdan «omıkron» shtamyna uqsas sımptomdar baıqasańyz ne isteý kerek

NUR-SULTAN. QazAqparat – Aǵzańyzdan «omıkron» shtamyna uqsas sımptomdar baıqasańyz ne isteý kerek? Bul suraqqa Nur-Sultan qalasy sanıtarlyq-epıdemıologııalyq qadaǵalaý basqaramasy basshysynyń orynbasary Janna Pralıeva jaýap berdi, dep habarlaıdy QazAqparat tilshisi.

«Omıkronnyń» ereksheligi bar, óte tez taraıdy.

Sondyqtan qala turǵyndaryna aıtatynymyz, ózderin nashar sezinse, tamaqtary aýyrsa, úıden shyǵýdyń qajeti joq. Óıtkeni aýrý tez arada taraıdy. Demde bir-birine juǵyp ketedi. Maskany qaıtadan taǵyp júrý kerek. Óıtkeni biz qazir kóp adamdardyń dúkenge kirgende maskasyz júrgenin baıqaımyz. «Omıkron» shtamy jas talǵamaıdy. Eresekter de, jas balalar da aýyra beredi», -dedi maman.

Onyń aıtýyna qaraǵanda, «omıkron» delta-shtamǵa qaraǵanda 70 ese jyldam taraıdy.

«Eń birinshi tamaq aýrýdan bastalady. Dene qyzýy kóteriledi. Taǵy bir ereksheligi – adam tez arada sharshap, jatyp qalady. Eger tańerteń oıanǵanda ózińizdi nashar sezinseńiz, úıden shyǵýdyń qajeti joq. Eger siz naýqaspen baılanysta bolǵanyńyzdy uqsańyz, dárigerge barýyńyz kerek. Vırýsty taratpaý mańyzdy. Respýblıkanyń Bas memlekettik sanıtarlyq dárigeriniń qaýlysy boıynsha, bes kúnniń ishinde qalada aýrýshańdyq ósse, shekteýler qabyldanady», - dedi Janna Pralıeva.