Aǵzany kóktem mezgiline qalaı daıyndaıdy
ASTANA. QazAqparat - Kóktem - tabıǵattyń túrlenetin tamasha mezgili. «Qystan aman shyqtyq, kóktem keldi» dep shattanǵanymyzben aǵzamyzda oryn alatyn keı ózgerister qýanyshymyzdy sý sepkendeı basatyny bar. Ár kóktem saıyn bulaı qaıtalanýdyń syry bizdiń ımmýndy júıemiz juqaryp, aǵzadaǵy dárýmen qorynyń azaıýynda, dep jazady anabol.kz.
Qystyń sýyǵynda úıde otyryp, keńseden kóp shyqpaı, az qımyldaımyz. Kóktem bastalysymen birden paıda bolatyn qımyldardyń saldarynan álsizdikke urynamyz. Qar erip, qara jer býsanyp jatqandaǵy aýa raıynyń ózgerisi qan qysymynyń tómendeýi men bas aýrýlaryna alyp keletini taǵy bar. Kóktemgi sharshaý avıtamınozǵa da baılanysty bolady. Bul maýsymdaǵy jemister men kókónister quramyndaǵy barlyq paıdaly dárýmender men qosylystar buzylady, tipti zııandylary da paıda bolady. Sondyqtan qystan qalǵan alma men sábiz avıtamınozben kúrese almaıdy. Bul oraıda aıtarymyz dárigermen keńese otyryp arnaıy dárýmender qabyldaǵan paıdalyraq. Jáne qaı mezgilde de qunaryn joǵalpaıtyn dándi-daqyldardan bas tartpaı durys tamaqtanǵan jón. Durys tamaqtaný demekshi qyz-kelinshekter arasynda bul mezgilde dene symbatymen kúresý belsendiligi artatyny jasyryn emes. Arýlarymyz dıeta deıdi de dárýmensiz aǵzanyń dármensizdigine qaramaı ózderin tamaqtan shektep tastaıdy. Shyn máninde «dıeta» sóziniń «durys ári paıdaly tamaqtaný» degen maǵynany bildiretinin elep eskermeıdi de. Bizdiń aıtarymyz aldymen saýlyǵyńyzǵa kóńil bólińiz.
Álsizdik baıqalyp, kórý qabiletińiz nasharlasa, A dárýmenine; Júıkeńiz juqaryp, shashyńyz túsip, tyrnaǵyńyz syna bastasa, V dárýmenine; Aǵzadaǵy zat almasý protsesinde ózgeris baıqalyp, býyndaryńyz syr berip jatsa, S dárýmenine baı taǵamdardy dastarhan mázirinen túsirmeńiz.
Býyndar men bulshyq etterińizge de nazar aýdaryńyz! Kóktemde býyndar syrqyrap, eski jaralar men sozylmaly aýrýlar syr bere bastaıdy. Qansha saqtansańyz da, sýyq jel sizge jetpeı qoımaıdy. Dárihanalarǵa bas suǵyp, arnaıy maılar men jylytatyn kremderdi jáne aýrýdy basatyn gelderdi alyp qoıýǵa keńes beremiz. Jýannyń jińishkerip, jińishkeniń úziler tusynda júıkeniń psıhologııalyq álsireýi de syr beretini bar. Mundaıda júıkeni tynyshtandyrý úshin dene jattyǵýlary taptyrmas em. Kúndelikti 10-15 mınýt ýaqytyyńyzdy jattyǵýǵa arnasańyz qan aınalymy jáne bulshyq etterdiń mıkro jáne makro elementterimen qorektenýi kúsheıe túsedi. Іshki silkinis (endokrınnaıa jeleza) bezderiniń jaqsy jumys isteýine múmkinshilik týady. Aǵzaǵa jaǵymdy emotsııalyq qubylystardyń bolýyna áser etedi. Fızıkalyq belsendilikti arttyrýǵa nıettilerge kóptegen ár túrli dene shynyqtyrý jattyǵýlarynyń mol jıyntyǵynyń arasyndaǵy eń birinshi orynǵa shyǵaratyndary: saýyqtyrý júris, júrispen almastyryp turatyn júgirý, aerobıka, júzý, gımnastıka jáne tynys alý jattyǵýlary.
