Aǵzalardyń transplantatsııasy qajet patsıentter endi sheteldik klınıkalarǵa jiberilmeıdi

ASTANA. QazAqparat - Qazirgi ýaqytta Qazaqstan Respýblıkasy aǵzalardyń transplantatsııasyn qajet etetin QR azamattaryn sheteldik klınıkalarǵa jibermeıdi, sebebi Qazaqstanda júrekti aýystyryp salýdy qajet etiletin balalardy qospaǵanda aǵzalardy transplantatsııalaý túrleriniń barlyq spektri júrgiziledi.

Bul týraly Facebook-tegi «Pomoşnık Mınzdrava»  paraqshasynda jazyldy, dep habarlaıdy QazAqparat.

«Qazaqstannyń táýelsizdik alǵan jyldary ishinde otandyq transplantatsııanyń aıtarlyqtaı damyǵany baıqalady. Qazirgi ýaqytta Qazaqstannyń transplantatsııa ortalyqtary donorlyq aǵzalardy aýystyryp salýdy tabysty júrgizýde, bul otandyq mamandardyń kórsetip otyrǵan medıtsınalyq qyzmeti sapasynyń joǵary deńgeıin rastaıdy»,-delingen habarlamada.

Qazaqstan Respýblıkasynyń qoldanystaǵy zańnamasyna sáıkes aǵzalardy transplanttaýdy oryndaý úshin densaýlyq saqtaý sýbektisi eki ólshemshartqa sáıkes kelýi, ıaǵnı transplantatsııa boıynsha lıtsenzııasynyń bolýy, transplantatsııa júrgizýge ruqsat etilgen medıtsınalyq uıymdardyń tizbesine enýi tıis.

Búkil álemde adamnyń donorlyq aǵzalaryn aýystyryp salýmen baılanysty transplanttaýdy adamnyń donorlyq aǵzalaryn transplanttaý jáne olardyń aınalymy salasyndaǵy qylmysqa jol bermeý maqsatynda densaýlyq saqtaý salasyndaǵy ýákiletti organ baqylaıdy.

Ýákiletti organ bekitetin Transplantatsııa júrgizýge ruqsat etilgen medıtsınalyq uıymdardyń tizbesi memlekettiń osy saladaǵy tikeleı baqylaýyn aıqyndaıdy.

Qazirgi ýaqytta Densaýlyq saqtaý mınıstrliginiń bastamasy boıynsha prokýratýra organdarymen birlesip respýblıkamyzdyń 5 óńirinde 11 transplantatsııa ortalyǵyn tekserý júrgizilýde. Tekserý patsıentterdiń qaýipsizdigin qamtamasyz etý jáne Qazaqstan Respýblıkasynyń normatıvtik quqyqtyq aktileriniń talaptaryn saqtaý maqsatynda bastamashylyq etildi.