Aǵymdaǵy jyly JRVI-men syrqattanýshylyq 15 paıyzǵa tómendedi - QR DSM
ASTANA. 26 aqpan. QazAqparat - Aǵymdaǵy jyly elimizde tumaý jáne jedel respıratorlyq vırýsty ınfektsııamen (JRVI) syrqattanýshylyq 15 paıyzǵa tómendedi. Bul týraly búgin QR DSM Memlekettik sanıtarlyq-epıdemıologııalyq qadaǵalaý komıtetiniń tóraǵasy Jandarbek Bekshın málim etti.
«Qazaqstanda JRVI jáne tumaý boıynsha epıdemıologııalyq ahýal turaqty ári syrqattanýshylyqtyń maýsymdyq kóterilýi baıqalady. Ótken jyldyń sáıkes kezeńimen salystyrǵanda JRVI-men syrqattanýshylyq 15 paıyzǵa tómendegeni bilindi», - dedi ol.
Onyń atap ótýinshe, epıdemıologııalyq jaǵdaıdyń turaqtylyǵy turǵyndardy tumaýǵa qarsy vaktsınalaý boıynsha aldyn alý is-sharalary men epıdemııaǵa qarsy sharalar kesheniniń ýaqytyly júrgizilýine baılanysty qamtamasyz etilgen. 2012-2013 jyldardyń epıdemıologııalyq maýsymy bastalǵaly beri respýblıkanyń 10 paıyzdan astam turǵyny tumaýǵa qarsy egilgen. Jalpy, jyl saıyn vaktsınatsııalanatyn adamdar sany turaqty ósip keledi. Aǵymdaǵy maýsymda elimizde barlyǵy 1 332 235 adam tumaýǵa qarsy egildi.
