Aǵymdaǵy jyly jalpy óńirlik ónimdi 2,7 trln. teńge deńgeıine jetkizýdi kózdep otyrmyz - Qaraǵandy oblysynyń ákimi

Aımaq basshysy óz sózinde bıylǵy jyldyń mańyzdy oqıǵasy - Elbasy Nursultan Ábishuly Nazarbaevtyń jumys saparymen aımaǵymyzǵa kelýi ekendigin atap ótti, dep habarlady oblys ákiminiń baspasóz qyzmetinen.

- Elbasynyń óndiristik aımaqtar men strategııalyq ınfrastrýktýrany iske qosýy - óńirimizdiń tarıhı oqıǵasy bolyp tabylady, - dedi Nurmuhambet Ábdibekov. Eske sala ketsek, 22 tamyzda Elbasy Jezqazǵan-Beıneý jáne Arqalyq-Shubarkól temirjol magıstraldaryn iske qossa, 30 tamyz kúni - «Izoplıýs Tsentralnaıa Azııa» JShS jáne «Bemer Armatýra» JShS óndiris oryndaryn Indýstrııalandyrý kartasy aıasynda iske qosty. Sonymen qatar, arnaıy jınalys ótip, onda oblystyń áleýmettik-ekonomıkalyq jaǵdaıy jan-jaqty qozǵalǵan bolatyn. - Elbasy tarapynan birqatar baǵyttar boıynsha oryndy syn aıtyldy. Qazirgi ýaqytta aıtylǵan syn-eskertpelerden ońdy nátıje shyǵarý úshin jumys júrgizýdemiz, - dedi aımaq basshysy. Qaraǵandy oblysy respýblıkanyń ishki jalpy óniminiń 8 paıyzyn qamtymaq. Al oblystyń ishki jalpy ónimi 2 trıllıon 634 mıllıard teńgeni quraıdy. Іshki jalpy ónimniń artýy óńir damýynyń naqty kórsetkishterin aıqyndaıdy. 2013 jylmen salystyrǵanda áleýmettik-ekonomıkalyq kórsetkishi de joǵarylady. Óndiris, aýyl sharýashylyǵy, shaǵyn jáne orta kásipkerlik, turǵyn úı qurylysy jáne áleýmettik salada qarqyn bar. Jezqazǵan mys zaýytyn iske qosý jumystary júrgizilýde. Sonymen qatar, jańa zaýyttar da iske qosylmaq. - Jergilikti bılik tarapynan oblystyq bıýdjettiń qosymsha rezervin anyqtaý úshin tıisti sharalar júrgizilýde, - dedi aımaq basshysy.

Investıtsııalyq belsendilikti arttyrý maqsatynda Indýstrııalandyrý kartasy boıynsha 80 joba júzege aspaq. Al jalpy somasy 46 mlrd. teńge bolmaq. Aǵymdaǵy jyly 18 mlrd. 960 mln.teńge turatyn 4 joba iske qosylyp, 435 jańa jumys oryndary ashyldy. Jyl sońyna deıin somasy 25,1 mlrd.teńge quraıtyn 6 iri joba iske asyrylyp, 759 jańa jumys orny ashylady dep kútilýde. «Bıznestiń jol kartasy» baǵdarlamasy aıasynda aǵymdaǵy jyly jalpy somasy 8,8 mlrd. teńge quraıtyn 76 joba qoldaý tapty.Nátıjesinde aǵymdaǵy jyldyń 8 aıy ishinde 988 jańa jumys orny ashylyp, 2 myń jumys orny saqtaldy. Sondaı-aq 371,6 mln teńge salyq tólemi tústi. Aımaqtaǵy shaǵyn jáne orta bıznestiń úlesi 19,5%-dan 20,4%-ǵa deıin ósti. Shaǵyn jáne orta bıznestiń negizgi salasy - týrıstik kásip bolyp tabylýy kerek. Qazirgi ýaqytta Balqash, Qarqaraly, Ulytaý jerlerinde demalatyn oryndar ashý máselesi qarastyrylyp jatyr. - Oblysymyzda monoqalalardy damytý baǵdarlamasynyń mańyzdylyǵyn aıtqym keledi. Óıtkeni, respýblıkanyń 27 monoqalanyń 8-i bizdiń aımaqta ornalasqan, - dedi oblys ákimi. Agrarlyq sektorlardy damytý úshin qosymsha oryndar da bar. Osy sala boıynsha 2160 jumys ornyn ashýǵa qaýqarly, ınvestıtsııalyq quny 52,3 mlrd teńgeni quraıtyn 46 ınnovatsııalyq joba iske asyp jatyr. Jyl basynan beri 1580 otbasy baspanaly boldy. 223,4 myń sharshy metr turǵyn úı qurylysyna 18,2 mlrd teńge ınvestıtsııa bólindi. Ol 2013 jylǵa qaraǵanda 151,5% paıyzdyq kórsetkishti kórsetedi. Áleýmettik saladaǵy 43 nysanda qurylys pen qaıta qurý jumystary bastalyp, onyń 17-sin osy jyldyń sońyna deıin aıaqtaý josparlanýda. Apatty jaǵdaıdaǵy mektepter sońǵy úsh jylda 1,5% dan 0,5 %-ǵa deıin qysqarǵan. 1 jastan - 6 jas aralyǵyndaǵy mektepke deıingi mekemeler balalardyń 87,3% -yn qamtamasyz etip otyr. Biraq balabaqshalardaǵy oryn tapshylyǵy áli bar. Osyǵan oraı kelesi jyly 320 oryndyq 3 balabaqsha salý josparlanýda. Tehnıkalyq júıeni jańǵyrtý men damytý salasy boıynsha jumystar jalǵasýda. Jańa oqý jylynyń basynan beri qosymsha oqytý júıesin ashqan kolledjder sany17-den 27-ge ósken. Densaýlyq saqtaý salasyn damytýýǵa baǵyttalǵan «Salamatty Qzaqstan» baǵdarlamasy da sátti júzege asýda. Bıylǵy jyly Qaraǵandy qalasynda 200 orynǵa arnalǵan kópsalaly balalar aýrýhanasynyń jáne Buqar jyraý aýdany, Doskeı aýylynda dárigerlik ambýlatorııa qurylysy bastaldy. 7 birdeı densaýlyq saqtaý mekemelerine jóndeý jumystary jasalýda. Oblys boıynsha medıtsınalyq mekemelerge arnalǵan 42 sanıtarlyq avtokólik berildi. Aýrýhanalardy mıdıtsınalyq quraldarmen jabdyqtaý úshin bıýdjetten 2,7 mlrd teńge bólinip otyr. Jumyspen qamtý salasy da nazardan tys qalmady. Aǵymdaǵy jyly 25 myń adam jumyspen qamtyldy. Onyń 3 myńy «Jol kartasy» baǵdarlamasy aıasynda jumysqa ornalasty. Jıyn barysynda oblys ákimi óńirdiń damýy, memlekettik tildiń mártebesi, telekomýnnıkatsııa salasy, avtokólik joly, jylý berý maýsymy sekildi salalarǵa da keńinen toqtalyp ótti. - Aldaǵy jumysymyzda biz elimizdiń Prezıdenti Nursultan Ábishuly Nazarbaevtyń Qazaqstan halqyna Joldaýynda qoıǵan mindetter men oblysty damytý baǵdarlamalarynda belgilengen tapsyrmalardy iske asyrýdy maqsat etip kelemiz. Jyl qorytyndysy boıynsha bul mynandaı naqty kórsetkishterge qol jetkizýge múmkindik beretin bolady,-dep jalǵastyrdy sózin Nurmuhambet Ábdibekov: - ónerkásip óndirisiniń kólemi - 1,5 trln. teńge (102%); - aýyl sharýashylyǵy ónimderiniń jalpy kólemi - 150 mlrd. teńge (IFO- 101,5%); - qurylys jumystarynyń kólemi - 228,6 mlrd. teńge (107%); - kólik qyzmet kórsetýleri 357 mlrd. teńgege deıin artady (107,3%). Nátıjesinde, jalpy óńirlik ónimdi 2,7 trln. teńge deńgeıine jetkizý josparlanýda (103,8%).