Aǵymdaǵy jyly taý-ken metallýrgııa salasynda eki iri joba iske qosylady - Á.Isekeshev
Aldaǵy ýaqytta taǵy 20 óndiris oshaǵy iske qosylǵannan keıin 10 myń turaqty jumys orny ashylatyn bolady. Bul týraly búgin Astanadaǵy Táýelsizdik saraıynda ashylǵan VI Halyqaralyq taý-ken metallýrgııa kongresi barysynda QR Premer-Mınıstriniń orynbasary - Indýstrııa jáne jańa tehnologııalar mınıstri Áset Isekeshev málim etti.
Mınıstr atap kórsetkendeı, qazirgi kezde taý-ken metallýrgııa salasy boıynsha 27 ındýstrııalyq-ınnovatsııalyq joba iske asýda. Olardyń ekeýi aǵymdaǵy jyly paıdalanýǵa beriledi. «Máselen, bıyl «Eýraz» holdıngi Qostanaı oblysynda óz óndirisin, «Posko» kompanııasy tıtan quımalaryn shyǵaratyn zaýytty ashady. Atalǵan jobanyń ekeýi de aǵymdaǵy jyly iske qosylady», - dep atap kórsetti Á.Isekeshev. Onyń habarlaýynsha, mańyzdy jobalardyń ishinde fotoelektr modýlderdi shyǵarý óndirisi (Óskemen qalasy) jáne sırek kezdesetin metaldardy óńdeý zaýyty (Stepnogor qalasy) bar.
Aıta keteıik, VI Halyqaralyq taý-ken metallýrgııa kongresine álemniń 20 elinen 1,5 myń delegat qatysýǵa nıet bildirgen. Erteń osynda Qazaqstannyń taý-ken metallýrgııa ónerkásibi qyzmetkerleriniń VI Sezi ótedi.
