Aǵymdaǵy jyly «Tablıǵı jamaǵat» uıymynyń 205 ókiliniń zańsyz qyzmetiniń joly kesildi - Q.Lama Sharıf
ASTANA. 13 maýsym. QazAqparat - Aǵymdaǵy jyly «Tablıǵı jamaǵat» uıymynyń 205 ókiliniń zańsyz qyzmetiniń joly kesildi.
Bul týraly búgin QR Úkimeti janyndaǵy Dinı birlestiktermen baılanystar jónindegi keńestiń otyrysynda QR Din isteri agenttiginiń tóraǵasy Qaırat Lama Sharıf aıtty.
Onyń atap ótýinshe, «Dinı qyzmet jáne dinı birlestikter týraly» QR zańy qabyldanǵannan bastap zańsyz mıssıonerlik qyzmet qatań baqylaýǵa alynyp, olardyń jumystaryn toqtatý sharalary qolǵa alynǵan. «Ótken jyly 30 shetel mıssıoneriniń zańsyz áreketi anyqtalyp, olardyń ishinde 22 sheteldik mıssıoner elderine qaıtaryldy. Qalǵandaryna Qazaqstan zańyn buzbaý jóninde eskertildi», - dedi agenttik basshysy.
Sonymen qatar Q.Lama Sharıftiń aıtýynsha, aǵymdaǵy jyldyń ishinde ishki ister organdary tarapynan mıssıonerlikpen aınalysqan «Tablıǵı jamaǵat» uıymynyń 205 ókiliniń zańsyz qyzmetiniń joly kesildi.
