Aǵymdaǵy jyly retteletin qyzmetter tarıfteriniń ınflıatsııasyna shekti úles 1,58 paıyzdyq tarmaq deńgeıinde anyqtaldy - EDSM
ASTANA. 10 mamyr. QazAqparat /Marlan Jıembaı/ - QR Ekonomıkalyq damý jáne saýda mınıstrligi aǵymdaǵy jyly retteletin qyzmetter tarıfteriniń ınflıatsııasyna shekti úlesti 1,58 paıyzdyq tarmaq deńgeıinde anyqtady.
Bul týraly búgin Úkimet otyrysynda atalǵan vedomstvonyń basshysy Qaırat Kelimbetov aıtty.
«Ekonomıkadaǵy joǵary ınflıatsııalyq fon eskerile otyryp, aǵymdaǵy jyly retteletin qyzmetter tarıfteriniń ınflıatsııasyna shekti úlesi 1,58 paıyzdyq tarmaq deńgeıinde anyqtady», - dedi Q.Kelimbetov.
Osy oraıda onyń atap ótýinshe, aqsha-kredıt saıasaty birinshi kezekte baǵalardyń turaqtylyǵyn qamtamasyz etýge baǵyttalýy tıis.
«Aǵymdaǵy jyldyń birinshi toqsanynda ekonomıkanyń damý kórsetkishteri syrtqy damý jaǵdaılary sııaqty 2011 jylǵa arnalǵan bıýdjet jobasyn ázirleý kezinde bastapqy parametrler boljamynan asa joǵary deńgeıde qalyptasty», - dedi ol.
