Aǵymdaǵy jyly prokýratýranyń qolǵa alǵan sharalary nátıjesinde 8 mlrd. teńgeden astam soma bolatyn jalaqy tólemi boıynsha bereshekter óteldi
ASTANA. 6 jeltoqsan. QazAqparat - 5 jeltoqsan kúni Bas prokýror Qaırat Mámıdiń tóraǵalyq etýimen aǵymdaǵy jyly júrgizilgen jumystardyń qorytyndylaryn talqylaýǵa jáne aldaǵy kezeńge qoıylǵan basym mindetterdi aıqyndaýǵa arnalǵan Bas prokýratýra alqasynyń keńeıtilgen otyrysy boldy.
Bas prokýratýranyń baspasóz qyzmeti habarlaǵandaı, alqa jumysyna Qaýipsizdik Keńesi hatshysynyń orynbasary Q.-K. Jańbyrshın, oblys prokýrorlary jáne olarǵa teńestirilgen prokýrorlar qatysty.
Aǵymdaǵy jyly prokýratýra Memleket basshysynyń uıymdasqan qylmysqa, sybaılas jemqorlyqqa qarsy is-qımyl jasaýǵa, azamattardyń jáne kásipkerlerdiń quqyqtaryn qorǵaý tetikterin jetildirýge, ekologııa salasyndaǵy quqyqtyq problemalardy sheshýge baǵyttalǵan jáne kóptegen basqa da baǵyttardaǵy tapsyrmalaryn oryndaý jumystaryn júrgizdi. Kadrlardyń biliktiligin arttyrý, tutastaı alǵanda, qadaǵalaý qyzmetin jetildirý jónindegi sharalarǵa erekshe nazar aýdaryldy.
Azamattardyń eńbek quqyqtaryn qamtamasyz etý salasyndaǵy júıeli jumys burynǵydaı negizgi baǵyttardyń biri bolyp otyr. Prokýrorlar qabyldaǵan sharalar nátıjesinde 552 myń zań buzýshylyq anyqtaldy, 685 myńnan astam azamattyń konstıtýtsııalyq quqyqtary qorǵaldy. 8 mlrd. teńgeden astam soma bolatyn jalaqy tólemi boıynsha bereshekter óteldi. 50 mlrd. teńgeden astam soma bolatyn zııan ótelip, onyń ishinde 38 mlrd. teńgeden astamy memlekettik bıýdjetke qaıtaryldy. 50 myń zańsyz quqyqtyq aktilerdiń kúshi joıyldy.
Kásipkerlerge qysym kórsetýdi azaıtýǵa baǵyttalǵan, sonyń ishinde zańnamalyq turǵyda júrgizilgen sharalar Dúnıejúzilik bank derekteri boıynsha Qazaqstannyń bıznes júrgizýdiń jaǵdaıyn jeńildetetin reforma júrgizý boıynsha álemdik kóshbasshylar qataryna kirýge belgili bir dárejede áser etti.
Prokýratýra organdarynyń aldaǵy jyly júrgizetin jumystary qylmystyń aldyn alý jónindegi profılaktıkalyq is-sharalardy, azamattardyń, qoǵamnyń jáne memlekettiń quqyqtary men múddelerin joǵary tıimdilikpen qorǵaý jónindegi sharalardy kúsheıtýge baǵyttalatyn bolady.
