Aǵymdaǵy jyly orman órtterinen 531 mln. teńge shyǵyn keldi

Bul týraly búgin QR Aýyl sharashylyǵy mınıstrliginiń alqa májilisinde vedomstvoǵa qarasty Orman jáne ańshylyq sharýashylyǵy komıtetiniń tóraǵasy Erlan Nysanbaev málim etti.

«2011 jyly aýa raıynyń jaısyz bolýyna qaramastan 2010 jylmen salystyrǵanda orman órtteri kólemi shamamen 3 esege tómendedi. Máselen, orman órti qaýpi shıryǵyp turǵan 2011 jyly aýmaǵy 3154 gektardy quraıtyn 665 orman órti tirkeldi. Bul rette bir órttiń ortasha aýmaǵy 10 gektardan 5 gektarǵa deıin, ıaǵnı eki esege tómendegenin atap ótken oryndy»,-  dedi ol.

Komıtet tóraǵasynyń atap ótýinshe, aǵymdaǵy jyly da oryn alǵan aptap ystyqtyń saldarynan orman órtteri qaýpi joǵary bolyp tur. Búgingi kúnge deıin memlekettik orman qorlary aýmaǵynda 5313 gektard jerdi sharpyǵan 613 orman órti tirkelgen. Bul ótken jylǵy kórsetkishten joǵary.

«Respýblıka boıynsha orman órtteriniń ákelgen shyǵyny 531 mln. 600 myń teńgeni qurady», - dedi E.Nysanbaev.  

Onyń sózine qaraǵanda, orman órtteriniń eń úlken aýmaǵy Pavlodar oblysynda 1 452, Qostanaı oblysynda 1441, Aqmola oblysynda 1250 gektardy qurady.