Aǵymdaǵy jyly oqý granttarynyń sany 700 orynǵa artty - QR BǴM
ASTANA. 10 maýsym. QazAqparat - Qazaqstanda aǵymdaǵy jyly memlekettik bilim berý granttarynyń sany 738 orynǵa artyp, 35 053 birlikti qurady,
dep málim etti rrimeminister.kz saıtyna bergen eksklıýzıvti suhbatynda QR BǴM Joǵary jáne joǵary oqý ornynan keıingi bilim berý departamenti Bilim berý jáne kadrlar daıarlaý basqarmasynyń basshysy Gúlzat Kóbenova.
«Aǵymdaǵy jyly joǵary jáne joǵary oqý ornynan keıingi bilimi bar kadrlar daıarlaýǵa memlekettik bilim berý tapsyrysy 2013 jyldyń 20 mamyryndaǵy Úkimettiń № 500 qaýlysymen bekitilgen. Memlekettik tapsyrys kólemi 35 053 grantty quraıdy. Ótken jylmen salystyrǵanda memlekettik tapsyrys kólemi 738 orynǵa artty, ótken jyly ol 34 315 oryndy quraǵan bolatyn», - dedi Gúlzat Kóbenova.
Sonymen qatar, ol jalpy granttar sanynan 34 553 oryn kúndizgi bólimde joǵary bilimdi kadrlar daıarlaýǵa, syrtqy bólimge 500 oryn bólingen.
Sonymen birge, halyqaralyq kelisimder boıynsha sheteldik azamattardy qabyldaýǵa 247 oqý granty qaralǵan, onyń ishinde 87 grant Aýǵanstan azamattaryn oqytýǵa arnalǵan.
Budan ózge, H.A.ıAssaýı atyndaǵy Halyqaralyq qazaq-túrik ýnıversıtetine qabyldaý úshin memlekettik tapsyrys boıynsha maqsatty oryndar qaralǵan, túrik tildi azamattarǵa - 200 oryn, Mońǵolııa Respýblıksynyń azamattaryn S.Amanjolov atyndaǵy Shyǵys Qazaqstan memlekettik ýnıversıtetinde oqytýǵa - 25 oryn.
BǴM ókilderiniń aıtýynsha, oqý granttaryn taǵaıyndaý konkýrsy Qazaqstan Respýblıkasynyń 2008 jyldyń 23 qańtaryndaǵy № 58 qaýlysymen bekitilgen oqý granttaryn taǵaıyndaý erejelerine sáıkes ótkiziledi.
