Aǵymdaǵy jyly nan men unǵa ishki baǵa turaqtylyǵy saqtalady - Memleket basshysy
ASTANA. Qyrkúıektiń 1-i. QazAqparat /Qanat Mámetqazyuly/ - Aǵymdaǵy jyly elimizde astyq eksportynyń áleýeti saqtalyp, nan men unǵa ishki baǵa turaqty bolady. Búgin tórtinshi saılanǵan QR Parlamentiniń tórtinshi sessııasynyń ashylýy barysynda QR Prezıdenti N. Nazarbaev osylaı málim etti.
«Aǵymdaǵy jylǵy qurǵaqshylyqtyń saldarynan Batys Qazaqstan, Aqtóbe oblystaryndaǵy astyq egisiniń bir bóligi zardap shekti. Biraq, men ózim elimizdegi astyqty óńirlerdi aralap kórdim jáne bul baǵytta el azamattarynyń alańdaýyna negiz joq dep sanaımyn. Elimizde astyq jetkilikti. Nan bolady, ótken jylǵy qaldyqtardy esepke alǵanda astyq eksportynyń áleýeti de byltyrǵy deńgeıde saqtalady. Biz nan men unǵa ishki baǵanyń turaqtylyǵyn qamtamasyz etetin bolamyz», dedi Elbasy.
