Aǵymdaǵy jyly mektep oqýshylaryn tegin tamaqtandyrýǵa 5 600 mıllıon teńge bólingen

ASTANA. Qarashanyń 17-si. QazAqparat /Marlan Jıembaı/ - Aǵymdaǵy jyly mektep oqýshylaryn tegin tamaqtandyrýdy uıymdastyrýǵa ketken shyǵyn  2008 jylǵa qaraǵanda 4,7 ese ulǵaıyp, 5 mıllıard 600 mıllıon teńgeni quraǵan.

Bul jaıynda búgin «Nur Otan» HDP Ortalyq apparatynda ótken «Qazaqstan mektepterindegi tamaqtandyrýdy uıymdastyrýdyń jaǵdaı men keleshegi» atty dóńgelek ústel barysynda QR Bilim jáne ǵylym mınıstrliginiń jaýapty hatshysy Farhad Qýanǵanov aıtty, dep habarlaıdy QazAqparat.

«Qazirgi ýaqytta qabyldanǵan sharalardyń arqasynda áleýmettik qorǵalmaǵan balalardy tegin tamaqtandyrýǵa jergilikti bıýdjetten bólingen qarjy shyǵyny birshama ulǵaıyp otyr», dedi ol.

Jaýapty hatshynyń aıtýynsha, mektepterde ystyq tamaqpen qamtamasyz etý úshin bıýdjetten tys qarjydan qosymsha 500 mıllıon teńge bólingen. Ótken jylmen salystyrǵanda jalpy bilim beretin mektepterdegi ystyq tamaqpen qamtylǵan oqýshylar sany 11,5 paıyz artqan. Respýblıka mektepteriniń 70 paıyzynda 1 mıllıon 600 myńnan astam oqýshy úshin  ystyq tamaq uıymdastyrylǵan. Bul jalpy oqýshylar sanynyń  63,7 paıyzdy quraıdy.

«Olardyń ishinde 516 myń, ıaǵnı 32,2 paıyz oqýshy tegin tamaqtanady. Atalǵan kórsetkishtiń ishinde 150 myń az qamtylǵan balalar da bar. Bul jalpy az qamtylǵan balalar kontıngentiniń 67 paıyzyna teń. Al Almaty qalasynda, Qaraǵandy, Aqtóbe oblystarynda tegin ystyq tamaq barlyq bastaýysh synyp oqýshylaryna beriledi», dedi F.Qýanǵanov.