Aǵymdaǵy jyly mal sharýashylyǵyn sýbsıdııalaýdyń jańa túri engizildi - M.Ómirıaev
ASTANA. 31 qańtar. QazAqparat /Qanat Mámetqazyuly/ - Asyl tuqymdy mal sharýashylyǵy týraly zańǵa engizilgen túzetýlerge sáıkes, bıyl mal sharýashylyn sýbsıdııalaýdyń jańa túri engizildi.
Búgin Aýyl sharýashylyǵy mınıstrliginde ótken brıfıng barysynda vıtse-mınıstr Múslim Ómirıaev osylaı málim etti.
«Zańnamalyq ózgeristerge oraı, alǵash ret fermerlerge et baǵytyndaǵy analyq iri qara mal basynyń quramdyq sapasyn jaqsartý úshin selektsııalyq jáne asyltuqymdy jumystardy júrgizýmen baılanysty shyǵyndarynyń qunyn ishinara arzandatý qarastyrylyp otyr. Bul rette 1 analyq mal basyna 12 myń teńge kóleminde sýbsıdııa tólenedi. Osy maqsatqa respýblıka bıýdjetinen 2,5 mlrd. teńge qarajat bólindi», - deıdi vıtse-mınıstr Múslik Ómirıaev.
Onyń aıtýynsha, sýbsıdııalaýdyń jańa krıterııleri boıynsha sharýashylyqtarda bir ǵana bas asyl tuqymdy mal bolsa, sonyń ózi de sýbsıdııalaýǵa jatady.
Sonymen qatar, az ónim beretin maldy asyl tuqymdy etti maldarmen almastyrý maqsatyndaǵy jumystarǵa toqtalǵan vıtse-mınıstr, 2012 jyldan bastap jeke qosalqy sharýashylyqtarda analyq iri qara mal basyn shaǵylystyrýǵa qoldanylatyn et baǵytyndaǵy tuqymdyq buqalardy kútip-baǵý shyǵyndary da bıýdjetten sýbsıdııalanatyn bolady.
«Bul rette sýbsıdııanyń normatıvi boıynsha bir asyl tuqymdy buqaǵa 47 myń teńge kóleminde qarajat bólinedi», - deıdi M. Ómirıaev.
