Aǵymdaǵy jyly Qyrǵyzstan qazaqstandyq elektr energııasynyń 133 mln kVtch astamyn ımporttady
ASTANA. QazAqparat - Aǵymdaǵy jyly Qyrǵyzstan Qazaqstannan 133 mln kVtch astam elektr energııasyn ımporttady. Bul týraly kúzgi-qysqy maýsymǵa daıyndyq boıynsha respýblıkalyq shtab otyrysynda aıtyldy, dep habarlady KırTAG.
Úkimet apparatynan málim etkendeı, «tutynýshylardy úzdiksiz elektrmen jabdyqtaý, Toqtaǵul sý qoımasyndaǵy sýdy únemdeý jáne 2016 jylǵa boljanǵan elektr energııasynyń tapshylyǵyn azaıtý maqsatynda Qazaqstannan 133,163 mln kVtch kóleminde elektr energııasy ımporttaldy». Bul 2015 jyldyń sáıkes merzimimen salystyrǵanda 428, 5 mln kVtch az.
Qyrǵyzstannyń birinshi vıtse-premer-mınıstri Mýhammetqalı Ábilǵazıev 2016 jylǵy 19 shildedegi jaǵdaı boıynsha Toqtaǵul sý qoımasyndaǵy sý kólemi 15 mlrd tekshe metrdi quraǵanyn atap ótti. Bul kórsetkish 2015 jyldyń sáıkes merzimimen salystyrǵanda 4 mlrd tekshe metrge kóp.
