Aǵymdaǵy jyly QR UQK Shekara qyzmeti men Qorǵanys mınıstrliginiń alty basshysy sybaılas jemqorlyq quqyq buzýshylyqtary úshin sotqa tartyldy
Mundaı oń ózgeristerge qalaı qol jetkizilgeni jáne basqa da problemalar jaıly QR bas áskerı prokýrory Erǵalı Merzadınov aıtyp berdi, dep jazady «Kazahstanskaıa pravda» gazetiniń tilshisi Olga Faınshteın «Áskerde quqyq buzýshylylyqty tómendetý qajet» degen maqalasynda.
Aǵymdaǵy jyly bizdiń negizgi kúsh-jigerimiz Qarýly kúshterdegi quqyq buzýshylyqty tómendetýge baǵyttaldy, dedi E.Merzadınov. Bul jumysty biz aldyn alý-eskertý sharalaryn júzege asyra otyryp, basqa áskerı vedomstvolarmen ózara is-qımylda júrgizdik. Bul oraıda biz olardyń jeke túrlerin, áskerler men qyzmetter túrlerin tolyqtaı keshendi tekserý tájirıbesine kóshtik.
Atap aıtqanda, armııadaǵy jemqorlyq kúrespen qatań kúres júrgiziýde. Memlekettiń ekonomıkalyq múddelerin qorǵaý máseleleri boıynsha jedel tekserý tájirıbesi Qorǵanys mınıstrligi men Shekara qyzmetinde qylmystyq jolmen baıýdyń kúrdeli shemasyn ashýǵa múmkindik berdi.
Osylaısha, «Batys» Shekara áskerleri aımaqtyq basqarmasynyń bastyǵy general Іlııasov basqarǵan qylmystyq toptyń músheleri sotqa tartyldy. Bul UQT qyzmeti eldiń batys shekarasynda jasyryn kóshi-qon úderisterine járdemdesken.
Shekara qyzmeti dırektorynyń burynǵy orynbasary Hasenovke jáne basqa da laýazymdy adamdarǵa qatysty qylmystyq isti tergeý aıaqtaldy, olar shekara zastavalary qurylysyna bólingen 319 mln. teńgeni urlaǵan.
Qarý-jaraqtardy memlekettik satyp alý máselelerin sheshýde «Ýkrspetseksport» ýkraın kompanııasynyń ókilderinen olardyń múddelerine qamqorlyq jasaǵany úshin para alýǵa aıyptalǵan Qorǵanys mınıstrliginiń qarý-jaraq bas basqarmasynyń burynǵy bastyǵy general Ásenov 11 jylǵa bas bostandyǵynan aıyrýǵa sottaldy.
Osy kompanııa ókilderinen para alýǵa aıyptalǵan Rahymjanov bastaǵan Shekara qyzmetiniń Avıatsııalyq basqarmasynyń qyzmetkerlerin tergeý aıaqtalyp, is sotqa berildi.
Búginde turǵyn úı satyp alýǵa bólingen 300 mıllıonnan astam teńge kólemindegi bıýdjet qarjysyn urlaý faktisi boıynsha Shekara qyzmetiniń dırektorynyń orynbasary Alshynbaevqa qatysty qylmystyq is Bas áskerı prokýrordyń arnaıy prokýrorynyń óndirisine alynǵan.
Áýe qorǵanysy kúshteri bas qolbasshysynyń orynbasary general Bóldeshevke qatysty qylmystyq is aıaqtalyp kele jatyr.
Áskerı prokýrorlar birinshi jartyjyldyqta aıaqtalǵan ister boıynsha keltirilgen zalaldyń 70 paıyzyn óndirip alýdy qamtamasyz etti.
Prokýrorlyq qadaǵalaý sharalary boıynsha memleket kirisine 600 mln.-nan astam teńge qaıtaryldy, al áskerı vedomstvolardyń talap-shaǵymdary boıynsha memlekettik satyp alý sharttary boıynsha jarty mıllıard teńgeden astam aıyppul sanktsııalary óndirildi.