Aǵymdaǵy jyly qosymsha 10 UBT tapsyrý pýnkti ashylady
ASTANA. QazAqparat - Aǵymdaǵy jyly qosymsha 10 ulttyq biryńǵaı test tapsyrý pýnkti ashylady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte elimizdiń Bilim jáne ǵylym mınıstrligi Bilim jáne ǵylym salasyndaǵy baqylaý komıtetiniń tóraǵasy Saıat Núsipov málim etti.
«QR Úkimet basshysynyń orynbasary B. Saparbaev jergilikti atqarýshy bılikke óńirlerdegi ulttyq biryńǵaı test tapsyrý pýnktterin keńeıtý týraly tapsyrma bergen edi. Búgingi kúnge deıin ulttyq biryńǵaı test tapsyratyn 155 pýnkt bolǵan. Aǵymdaǵy jyly elimizdiń túrli oblystarynda, aýdandarynda jergilikti qarjy esebinen qosymsha on UBT tapsyrý ortalyǵy ashylady», - dedi ol.
Onyń atap ótýinshe, atalǵan pýnkter elimizdiń eń shalǵaı eldi mekenderinde jasaqtalady.
«Oqýshylar UBT tapsyrý úshin 300-500 shaqyrym jol júrip bizge kelmeı, biz olarǵa barýymyz kerek. Mundaı pýnkter bizde shalǵaı óńirlerde bar. Degenmen, biz ony odan ary keńeıtýdemiz ári jalǵastyra beremiz», - dedi S.Núsipov.
