Aǵymdaǵy jyly Qazaqstannyń 25 balyq óńdeýshi kásiporny Reseı naryǵyna ónimderin eksporttaýǵa ruqsat aldy
Bul týraly búgin balyq sharýashylyǵy salasyndaǵy qaıta óńdeý máselelerine arnalǵan dóńgelek ústel jıyny barysynda Aýyl sharýashylyǵy mınıstrligi Balyq sharýashylyǵy komıtetiniń tóraǵasy ıÝrıı Romashov málim etti, dep habarlaıdy QazAqparat.
«Balyq ónimderin qaıta óńdeý jumystarymen elimizdegi 78 shaǵyn jáne orta kásipkerlik sýbektileri aınalysady. Olardyń ishinde 7 kásiporyn, atap aıtqanda «Atyraýbalyq» AQ, «Balqashbalyq» AQ, «Ismaılov ı K» JShS, «Qaratal Balyq» JShS sekildi kásiporyndar óz ónimderin Eýropalyq odaq elderine eksporttaıdy. Budan bólek, aǵymdaǵy jyly qazaqstandyq 25 balyq óńdeýshi kásiporyndar Reseı Federatsııasy naryǵyna balyqty jáne balyq ónimderin eksporttaýǵa ruqsat aldy», dedi Komıtet tóraǵasy.
Onyń aıtýynsha, 2006 jyldan beri elimizdegi balyq óńdeýshi kásiporyndar sany 21-ge artqan. Sonymen birge, sońǵy jyldary balyq sharýashylyǵy salasyndaǵy materıaldyq-tehnıkalyq jaraqtandyrý jáne ǵylymı maqsattardy qoldaýǵa qarjylyq shyǵyndar da ósýde. Máselen, sońǵy tórt jyl ishinde atalǵan salaǵa 6 mlrd. teńgege jýyq jeke ınvestıtsııalar tartylypty. «Nátıjesinde 2006 jyldan 2009 jylǵa deıingi aralyqta elimizdegi óńdelgen balyq ónimderi 22,3 myń tonnadan 31,7 myń tonnaǵa deıin ósti. Sondaı-aq bundaı kásiporyndardyń jalpy eksporttyq baǵyttaǵy áleýeti de artyp otyr», dedi ıÝ. Romashov.
