Aǵymdaǵy jyly qazaqstandyq eksportty yntalandyrý saıasatyn júzege asyrý jalǵasatyn bolady - Áset Isekeshev
Bul jaıynda búgin Úkimet otyrysynda Indýstrııa jáne jańa tehnologııalar mınıstri Áset Isekeshev málim etti.
«Atap aıtqanda, eksportty damytý máselesi jergilikti organdardyń jáne sheteldegi qazaqstandyq elshilikterdiń aldynda kóldeneńnen qoıylatyn bolady»,-dedi mınıstr.
«Eksportty damytý ekonomıkanyń básekege qabilettiligin arttyrýdyń negizgi faktory. Atalǵan másele Kedendik odaqpen Biryńǵaı ekonomıkalyq keńistikti qurǵannan keıin ózekti boldy»,-dedi Á. Isekeshev.
Onyń sózine qaraǵanda, ótken jyly taýarlar eksporty rekordtyq kólemge jetip, 80 mlrd. AQSh dollarynan astam qarjyny qurady. Osy arqyly 2008 jyldaǵy daǵdarysqa deıingi 71 mlrd. dollar kólemindegi kórsetkishten asyp tústi.
Mınıstr sonymen qatar shıkizattyq emes taýarlardyń eksporty da ońtaıly úderisti kórsetkenin aıtyp ótti. 2011 jyly shıkizattyq emes eksporttyń kólemi 21 mlrd. dollarǵa jetip, 2010 jylǵa qaraǵanda 28 paıyzǵa artqan.
