Aǵymdaǵy jyly «Qazaqfılm» 20 kórkem fılmdi túsirýdi aıaqtaıdy - M. Qul-Muhammed
ANA. 6 maýsym. QazAqparat /Qanat Mámetqazyuly/ - 2001 jyly elimizde bir ǵana fılm túsirilse, aǵymdaǵy jyly «Qazaqfılm» 20 kórkem fılm túsirýdi tolyq aıaqtaıdy. Bul týraly búgin QR Parlamenti Májilisinde ótken Úkimet saǵatynda Mádenıet mınıstri Muhtar Qul-Muhammed málimdedi.
Mınıstrdiń aıtýynsha, atalǵan 20 fılmnen bólek, taǵy 10 týyndy óndiriste jatsa, budan basqa 10 fılmdi túsirý bıyl qolǵa alynady. «Sondy bir jylda 40 kórkem fılmniń jumysy júrgizilip jatyr degen sóz. Eger buǵan derekti fılmderdi qosyp eseptesek, bir jylda «Qazaqfılm» 70 týyndymen jumys istep otyrǵanyn aıtýǵa bolady. Bul shyndyǵynda elimiz úshin óte úlken kórsetkish», - dedi M. Qul-Muhammed.
Onyń aıtýynsha, elimizdiń kınostýdııa tarıhynda alǵash ret júrgizilgen jańǵyrtýdyń nátıjesinde postóndiristiń barlyq tehnologııalyq toptamasy qalyptastyrylǵan. Sonyń nátıjesinde qazirgi tańda postprodakshn boıynsha barlyq qyzmetter tikeleı «Qazaqfılmniń» ózinde júzege asady.
