Aǵymdaǵy jyly ındýstrııalyq nysandardy qoldanysqa engizý arqyly 25 myńǵa tarta jańa jumys oryndary ashylady - Ó. Shókeev

aýryzdyń 9-y. QazAqparat /Qanat Mámetqazyuly/ - Aǵymdaǵy jyly josparlanǵan ındýstrııalyq nysandardy qoldanysqa engizý arqyly 25 myńǵa tarta jańa ári turaqty jumys oryndary qamtamasyz etiledi. Búgin QR Parlamenti Senatynda ótken «Óńir» depýtattyq tobynyń otyrysy barysynda QR Premer-Mınıstriniń birinshi orynbasary Ómirzaq Shókeev osylaı málim etti,

dep habarlaıdy QazAqparat.

«Bıyldan bastap halyqty jumyspen qamtýdyń jańa múmkindikterine jol ashylady. Jańa jumys oryndaryn qurý - bul halyqtyń tabysty bolýyn bildiredi. Aǵymdaǵy jyldyń ózinde, josparlanǵan ındýstrııalyq nysandardy qoldanysqa engizý arqyly 25 myńǵa tarta jańa ári turaqty jumys oryndaryn qamtamasyz etetin bolamyz. Al jaqyn aralyqtaǵy úsh jyl ishinde údemeli ındýstrııalyq-ınnovatsııalyq damý baǵdarlamasy sheńberindegi jobalardy júzege asyrý barysynda 200 myńnan astam qazaqstandyq jumyspen qamtylady», dedi Ó. Shókeev.