Aǵymdaǵy jyly elordada 8 mektep paıdalanýǵa beriledi
ASTANA. QazAqparat - Qazirgi tańda Astanada №41 kóshe qıylysy aýdanynda 1200 adamdyq mektep qurylysy aıaqtalsa, L.Mırzoıan kóshesinde taǵy bir bilim oshaǵynyń qurylysy bitýge taıaý.
Sonymen birge, 2014 jyly paıdalanýǵa berilýi tıis 8 mekteptiń qurylysy qyzý júrýde. Bul týraly Qurylys basqarmasyna silteme jasap Astana qalasy ákimi apparatynyń baspasóz qyzmeti habarlady.
«2014 jyly kelesi 8 mekteptiń qurylysy aıaqtaý josparlanyp otyr. Atap aıtqanda, Sh.Qaldyaıaqov kóshesiniń ońtústigindegi №50 kóshe aýdanynda 1200 adamdyq mektep qurylysy paıdalanýǵa berilmek. Josparlanǵan merzim - 1 qyrkúıek. Al 1 tamyzǵa deıin Jumabaev kóshesiniń shyǵysy men Saraıshyq kóshesiniń ońtústik bóliginde ornalasqan 1200 oryndyq mekteptiń qurylysy aıaqtalady, delingen habarlamada.
Sondaı-aq Esil ózeniniń sol jaǵalaýyndaǵy, Jánibek-Kereı handar, Orynbor jáne Túrkistan kósheleri aýdanyndaǵy, Eńbekshiler, Orynbor, Jánibek-Kereı handar kósheleri qıylysyndaǵy, Syǵanaq kóshesiniń ońtústigindegi, Komsomol turǵyn-úı alabyndaǵy, 8. S.Seıfýllın kóshesiniń ońtústiginde ornalasqan jer aýmaǵyndaǵy mektepterdiń tizimi berilgen.
Sonymen birge, aıaqtalý merzimi taǵy 3 mekteptiń (3200 oryndyq) qurylysy júrýde. Bul nysandardy 2015 jyly tapsyrý josparlanǵan.
