Aǵymdaǵy jyly elimizdegi tamshylatyp sýarý alqaptary 15 myń gektarǵa deıin kóbeıetin bolady - A. Kúrishbaev
ASTANA. Naýryzdyń 30-y. QazAqparat /Qanat Mámetqazyuly/ -Aǵymdaǵy jyly elimizde tamshylatyp sýarý alqaptary 5 myń gektardan 15 myń gektarǵa deıin kóbeıetin bolady.
Búgin Úkimettiń kezekti otyrysy barysynda QR Aýyl sharýashylyǵy mınıstri Aqylbek Kúrishbaev osylaı málim etti, dep habarlaıdy QazAqparat.
«Elbasy aǵymdaǵy jylǵy Joldaýynda aýyl sharýashylyǵy salasynyń ónimdiligin keminde eki esege arttyrý týraly talap qoıyp otyr. Osyǵan oraı, 2010 jyly «QazAgro» holdıngine qosymsha 28 mlrd. teńge qarastyryldy. Bul qarajat aýyl sharýashylyǵy tehnıkasynyń lızıngi úshin jáne qaıta óńdeý salasyn damytýǵa jumsalatyn bolady. Sonymen birge, bıyl tamshylatyp sýarý tehnologııasynyń alqaby 5 myń gektardan 15 myń gektarǵa deıin kóbeıedi. Jańadan bes bordaqylaý alańy salynatyn bolady», - dedi A. Kúrishbaev.
Onyń aıtýynsha, atalǵan sharalar halyqty kókónispen qamtamasyz etýge, Qazaqstannyń etin eksportqa baǵyttaýǵa jol ashady. Jalpy mınıstrdiń sózine qaraǵanda, aǵymdaǵy jyly aýylsharýashylyǵy salasyna 258 mlrd. teńge bólinip otyr. Bunyń 47 mlrd. teńgesi sýbsıdııalaý sharalaryna jumsalady.
