Aǵymdaǵy jyly elimizde taza salmaqta 26 mln. tonna astyq bastyryldy
ASTANA. 28 jeltoqsan. QazAqparat / Marlan Jıembaı / - Aǵymdaǵy jyly elimizde taza salmaqta 26 mln. tonna astyq bastyryldy. Bul týraly búgin Úkimet otyrysynda Ekonomıkalyq damý jáne saýda mınıstri Qaırat Kelimbetov málim etti.
«Aǵymdaǵy jyly alynǵan rekordtyq astyqtyń arqasynda aýyl sharýashylyǵy óniminiń jıyntyq kólemi 2011 jyldyń qańtar-qarashasynda 27,3 paıyzǵa ósti. Taza salmaqta jınalǵan astyq 26 mln. tonnany qurady. Jáne 2010 jylmen salystyrǵanda 2,1 esege ulǵaıdy», - dedi mınıstr. Sondaı-aq onyń atap ótýinshe, qurylys sektory da qalpyna kelip, 3, 9 paıyz ósim kórsetken.
Ekonomıka ósiminiń mańyzdy faktory túsimniń suranysynyń artýy boldy. Oǵan jyl basynan beri bólshek saýda taýar aınalymynyń 10,5 paıyzǵa ósýi dálel bolady, dedi Q. Kelimbetov. Onyń atap ótýinshe, esepti kezeńde kóliktiń barlyq túrleri boıynsha, júk tasymaldaý kólemi 22 paıyzǵa ulǵaıdy.
