Aǵymdaǵy jyly elimizde astyq daqyldarynyń egis kólemi 16 mıllıon 350 myń gektardy qurady

«Oblystyq aýyl sharýashylyǵy basqarmalarynyń málimetteri boıynsha, jalpy astyq daqyldarynyń egis kólemi 16 mıllıon 350 myń gektardy qurady. Onyń 16,2 mln. gektary elimizdiń negizgi azyq-túlik qaýipsizdigin qamamasyz etetin bıdaı daqyly», dedi vıtse-mınıstr.

Jalpy onyń atap ótýinshe, aǵymdaǵy jyly dándi daqyldardyń alqap kólemi byltyrǵy jylmen salystyrǵanda 316 myń gektarǵa kemigen. Alaıda bul alqaptarǵa dıversıfatsııa baǵytyndaǵy basqa daqyldar, ıaǵnı elimizdiń naryǵyna qajetti daqyldar sebilgen. Onyń ishinde maıly daqyldar 1714 myń gektardy quraıdy. «Bul kórsetkish byltyrǵy jylmen salystyrǵanda 530 myń gektarǵa kóterildi», dedi ol. Onyń aıtýynsha, dıversıfaktsııa baǵytynyń damý jolymen jalpy sýbsıdııa tetikteriniń ózgerýine baılanysty osy daqyldarǵa arnaıy jańa tetikter, jańa sýbsıdııa normatıvteri kóterilip, sonyń nátıjesinde osyndaı kórsetkishterge qol jetkizilgen.

Sonymen qatar aǵymdaǵy jyly qant qyzylshasy 19,9 myń gektarǵa egilgen. Bul kórsetkish ótken jylmen salystyrǵanda 900 gektarǵa artyq.

Kóktemgi egis naýqanynyń der ýaqytynda, óziniń tehnologııalyq talaptaryna saı ótkendigin atap ótken A.Evnıev «barlyq egilgen tuqym joǵary sapaly ári tekserilgen jáne óziniń standarttaryna, kondıtsııalyq normalaryna sáıkes sebildi», dedi óz sózinde. Sonymen qatar ol janar-jaǵarmaı baǵasyna da toqtalyp ótti. Onyń málim etýinshe, sońǵy eki jylda janar-jaǵarmaı máselesi ýaqytymen tolyq sheshilip, barlyq jumystar uıymdastyrylǵan. Úkimet tapsyrmasymen janarmaı naryǵy memlekettik basqarý júıesi ózgertilgen. «Bul júıede bizdiń aýyl sharýashylyǵy salasynda isteıtin aýyl sharýashylyǵy taýarlaryn óndirýshilerdiń arnaıy mamandanýyna mán berilip, jeke júıe qabyldanǵan bolatyn. Osy júıeniń arqasynda taýar óndirýshiler bekitilgen baǵamen janar-jaǵarmaı alýǵa qol jetkizdi», dedi vıtse-mınıstr.