Aǵymdaǵy jyly elimizde 6 trassalyq medıtsınalyq qutqarý beketi quryldy, 8 tikushaq satyp alý josparlanýda
TANA. 17 qarasha. QazAqparat /Marlan Jıembaı/ - Aǵymdaǵy jyly elimizde 6 trassalyq medıtsınalyq qutqarý beketi quryldy.
Bul týraly búgin elordada ótken brıfıng barysynda QR Densaýlyq saqtaý mınıstrligi Medıtsınalyq qyzmetterge tólem jasaý komıtetiniń tóraǵasy Qanat Ermekbaev málim etti.
«Aǵymdaǵy jyly Tótenshe jaǵdaılar mınıstrligimen birlesip, 6 trassalyq medıtsınalyq beket ashyldy. Bul shara «altyn saǵat» ustanymyn, ıaǵnı jaraqat alynǵan 1 saǵattyń ishinde kómek kórsetip úlgerý úshin júzege asyryldy. Onda qutqarýshylar men medıtsına qyzmetkerleri bilesip jumys isteıdi», - dedi ol.
Onyń atap ótýinshe, Densaýlyq saqtaý mınıstrligi osynda jańa beketterdi kelesi jyly da ashýdy josparlap otyr.
Sonymen qatar aǵymdaǵy jylǵy shilde aınyna bastap jumys isteı bastaǵan Sanıtarlyq avıatsııa respýblıkalyq ortalyǵy kelisimshart negizinde tikushaqty 193 ret ushyryp, medıtsınalyq kómek kórsetken. «Qazirgi ýaqytta bizde 6 tikushaqpen ushyrýǵa kelismshart bar. 2012 jyly taǵy 8 tikushaq satyp alý josparlanýda. Olar bizge jol-kólik oqıǵalarynda medıtsınalyq kómek kórsetýge, tótenshe jaǵdaılarda qashyq aýdandardan naýqastardy jedel qaýipsiz jerge kóshirýge qajet», - dedi Q.Ermekbaev.
