Aǵymdaǵy jyly elimizde 47 myń mas júrgizýshi ustaldy
STANA. Qazannyń 22-si. QazAqparat /Marlan Jıembaı/ - Aǵymdaǵy jyly respýblıka joldarynda 1,5 mıllıonǵa jýyq ereje buzý derekteriniń joly kesilip, 47 myń mas júrgizýshi ustaldy.
Bul týraly búgin QR ІІM-inde ótken arnaıy baspasóz máslıhatynda Jol polıtsııasy komıtetiniń tóraǵasy Qaırat Tynybekov málim etti.
Onyń atap ótýinshe, ІІM tarapynan qabyldanǵan sharalar aǵymdaǵy jyldyń esepti kezeńinde barlyq kórsetkishter boıynsha apattylyqty ótken 2 jylǵa qaraǵanda birshama tómendetýge yqpal etken. Al 2007 jyldyń sáıkes kezeńimen salystyrǵanda 1189 adamnyń ómirin saqtap qalýǵa múmkindik týǵan.
«Alaıda júrgizýshilerdiń, ásirese, mas júrgizýshilerdiń kinásinen oryn alatyn oqıǵalar sany áli de joǵary bolyp otyr. Aǵymdaǵy jyly respýblıka joldarynda 1,5 mıllıonǵa jýyq ereje buzý derekteriniń joly kesildi. Sondaı-aq 47 myń mas júrgizýshi ustalyp, sot olardyń 42-i myńyn kólik basqarý quqynan aıyrdy. 7,5 myń adam ákimshilik qamaýǵa alyndy», - dedi ol.
Q.Tynybekovtiń aıtýyna qaraǵanda, kólikti mas kúıinde basqarǵan qalǵan 5 myń azamattyń isi sotta qaralýda.
Sondaı-aq avtobýs júrgizýshileriniń kinásinen oryn alatyn jol-kólik oqıǵalary 13 paıyzǵa, al onyń saldarynan qaza bolatyndar sany shamamen 2 esege, jaraqat alatyndar 17 paıyzǵa kóbeıgen.
«Avtomobılderdiń kúrt kóbeıýi jol qozǵalysy erejesi salasyndaǵy ahýaldy tómendetýge basty kedergi bolyp otyr. Sońǵy 5 jyldyń ishinde elimizdiń avtoparki 2 esege artyp, 3 mıllıon birlikti qurady», - dedi Q.Tynybekov.
