Aǵymdaǵy jyly elimizde 15 jańa elevator boı kótermek
ASTANA. Maýsymnyń 16-sy. QazAqparat /Marlan Jıembaı/ - Aǵymdaǵy jyly elimizde 15 jańa elevator boı kótermek. Bul týraly búgin Aýyl sharýashylyǵy vıtse-mınıstri Arman Evnıevtiń qatysýymen ótken baspasóz máslıhaty barysynda málim boldy.
Ótken jyly Qazaqstannyń negizgi astyqty óńirleri bolyp eseptelinetin soltústik oblystarda jalpy qýaty 350 myń tonnadan asatyn 14 jańa elevatordyń salynǵanyn atap ótken vıtse-mınıstr «aǵymdaǵy jyly jalpy qýaty 390 myń tonnany quraıtyn taǵy 15 jańa elevatordyń qurylysy josparlaǵan», dedi.
Onyń atap ótýinshe, bul nysandar elimizdiń astyqty óńirleri, ıaǵnı soltústik oblystarda boı kótermek.
Sonymen qatar A.Evnıevtiń aıtýynsha, jalpy elimizde 200-ge jýyq elevator bolsa, qazirgi ýaqytta sonyń jartysynda ótken jyly jınalǵan astyqtyń 30 paıyzy saqtaýly tur. «Elevatorlardaǵy ótken jylǵy ónimniń qaldyǵy 6,2 mılıon tonnany, al aýyl sharýashylyǵy óndirýshilerdiń qolyndaǵy astyq 2,8 mıllıon tonnany quraıdy», dedi ol óz sózinde.
