Aǵymdaǵy jyly elge 4,5 myńnan astam etti múıizdi iri qara ákelinedi
ALMATY. 3 qarasha. QazAqparat /Erlik Erjanuly/ - 2016 jylǵa deıin etti analyq basynyń sany 300 myńǵa deıin jetetin 2,5 fermerlik sharýashylyq qurylady.
Bul týraly búgin Almatyda 6-Ortalyq Azııalyq halyqaralyq aýyl sharýashylyǵy kórmesi aıasynda ótken konferentsııada aıtyldy.
"2011-2015 jyldary 150 myń bas malǵa arnalǵan azyqtandyrý orny salynady. Reprodýktorlyq sharýashylyqtarǵa 75 myń bas sheteldik selektsııadaǵy etti mal ákelinedi. Onyń ishinde aǵymdaǵy jyly 17 myń bas malǵa arnalǵan jemdeý ornynyń qurylysy bastaldy. 4,5 myńnan astam etti múıizdi iri qara ákelinedi. Fermerlik sharýashylyqtarǵa 45 myń bas analyq mal beriledi", - deıdi Aýyl sharýashylyǵy mınıstriniń baspasóz hatshysy Sáken Qalqamanov. Onyń aıtýynsha, qazirgi tańda selektsııalyq jáne asyldandyrý jumystarynyń biryńǵaı aqparattyq taldaý júıesi jasalyp, paıdanýǵa berildi. Ol esepteý men tabyndardy jasaýdy basqarý ortalyqtandyrýǵa múmkindik beredi. Sondaı-aq etti malda tabyndardy basqarý jáne konsaltıngtik ortalyǵy quryldy.
