Aǵymdaǵy jyly el Konstıtýtsııasynyń 15 jyldyq mereıtoıyna oraı QR Qarýly Kúshteriniń áskerı sherýi ótedi

Bul týraly búgin Almaty aýdanynyń ákimi Sapar Ahmetov elorda ákiminiń orynbasary Ámirhan Raqymjanovtyń tóraǵalyǵymen ótken halyq aldyndaǵy kezekti eseptik kezdesýinde aıtty.

«Ótken jyly tamyzdyń 30-y - Konstıtýtsııa kúninde Qazaqstan tarıhynda alǵash ret áskerı sherý boldy. Aǵymdaǵy jyly biz el Konstıtýtsııasynyń 15 jyldyq mereıtoıyna oraı QR Qarýly Kúshteriniń áskerı sherýin taǵy da ótkizetin bolamyz», dedi aýdan ákimi.

Onyń aıtýynsha, qazirgi ýaqytta elorda ákimdigimen atalǵan merekeni joǵary deńgeıde ótkizýge oraı is-sharalar josparlary pysyqtalyp jatyr.

Aıta keteıik, ótken jyly Elbasy, QR Qarýly Kúshteriniń Joǵarǵy Bas qolbasshysy Nursultan Nazarbaevtyń tapsyrmasy boıynsha Astanada Konstıtýtsııa kúnine arnalǵan áskerı sherý ótken edi. Shara «Qazaq eli» monýmentiniń aldynda boldy. Áskerı sherýge jaýyngerlik 120 túrli qarý-jaraq tehnıkasy, avıatsııanyń 40-tan astam tehnıkasy jáne Reseıden satyp alynǵan jańa tikushaqtar men 2300 adam qatysty. Sherý tek qana qazaq tilinde ótti.