Aǵymdaǵy jyly eksport kólemi boljam boıynsha 51,4 mlrd. AQSh dollaryn quraıdy - mınıstr
ASTANA. Qyrkúıektiń 8-i. QazAqparat /Marlan Jıembaı/ - Aǵymdaǵy jyly eksport kólemi boljam boıynsha 51,4 mlrd. AQSh dollaryn quraıdy. Bul týraly búgin Úkimet otyrysynda QR Ekonomıkalyq damý jáne saýda mınıstri Janar Aıtjanova málim etti.
«2010 jylǵy eksport kólemi boljam boıynsha 51,4 mlrd. AQSh dollaryn qurap, aldyńǵy boljammen salystyrǵanda 1,8 mlrd. AQSh dollaryna joǵary bolady dep kútilýde», dedi mınıstr.
Onyń atap ótýinshe, eksporttyń boljamdyq kórsetkishteriniń joǵary bolýy negizinen Qazaqstannyń eksporttyq taýarlaryna álemdik baǵanyń ósýine tikeleı baılanysty bolyp otyr. Máselen, aǵymdaǵy jyldyń birinshi jartysynda ol 72,2 paıyzǵa nemese 12 mlrd. 407 mln. AQSh dollaryna ósken. «Aǵymdaǵy jylǵy boljam boıynsha ımport aldyńǵy boljamdarǵa qaraǵanda 4,1 mlrd. AQSh dollaryna tómendeýine qaramastan jalpy ımport kólemi jyldyń sońyna qaraı 30,1 mlrd. AQSh dollaryn quraıdy. ıAǵnı, ótken jylmen salastyrǵanda 4,7 paıyzǵa ósedi dep baǵalanyp otyr», dedi J. Aıtjanova.
