Aǵymdaǵy jyly Astananyń 15 jyldyǵy merekesi qarsańynda 15 saıabaq salynady
ASTANA. 8 aqpan. QazAqparat - Astana qalasy Esil aýdanyndaǵy saıabaqtardyń jalpy aýmaǵy 347 149 sharshy metrge jetti. Ótken jyly kógaldandyrý baǵdarlamasy aıasynda 4 330 qylqan japyraqty aǵash, 1500 qýma metr tal-shilik, 81 484 sharshy metr gúlbaqsha jáne 4 100 sharshy metr gúlzar otyrǵyzyldy. Bul týraly Astana ákimdiginiń baspasóz qyzmetinen habarlandy.
Aqparatqa qaraǵanda, 1500-ge tarta ártúrli aǵash Qabanbaı batyr dańǵyly boıyndaǵy «Botanıkalyq baqqa» egilgen. Buǵan qosa, jalpy qalalyq senbilikter aıasynda Turan dańǵyly boıynda (Hýseın ben Talal kóshesinen bastap «Astananyń Juldyzy» stellasyna deıin) aǵashtar otyrǵyzyldy. Sonymen qatar, 2012 jyly Esil aýdanynda Turan dańǵylynyń boıynda (Saraıshyq kóshesiniń qıylysynda) jańa «Saryarqa» saıabaǵy salynǵan. Aǵymdaǵy jyly Astananyń 15 jyldyǵy merekesi qarsańynda 15 saıabaq salynady jáne qaıta jóndeledi. Onyń ekeýi Esil aýdanynda (Qorǵaljyn kúrejoly boıynda) ornalasady.
