Aǵymdaǵy jyly Astanada 600-ge jýyq turǵyn úıge jylý eseptegish quraly ornatylady

ASTANA. 22 qańtar. QazAqparat - Elordada ústimizdegi jyldyń naýryz aıynan bastap «Astana-Jylýtranzıt» AQ ınvestıtsııalyq baǵdarlamany júzege asyrý aıasynda 562 turǵyn úıde 569 jylý eseptegish quralyn ornatýdy kózdep otyr.

Bul týraly astana.kz saıtyna Astana qalasy ákimi apparatynyń Ómirdi qamtý jáne ınfraqurylymdy damytý bóliminen habarlady.

Qazirgi ýaqytta Astana qalasy boıynsha 73% astam nysan ortalyqtandyrylǵan jylýmen qamtýǵa qosylǵan jylý energııasyn esepteý quraldary torabymen jabdyqtalǵan.

Aıta keteıik, 2013 jyly «Astana-Jylýtranzıt» AQ buryn jalpy úıdegi qurylǵylary bolmaǵan 410 kóp páterli úıge jylý eseptegish quraldar ornatqan bolatyn. Atalǵan qondyrǵyny ornatý energııa tutynýdy durys esepteýge, jylý tasymaldaǵyshtyń kórsetkishterin baqylaýǵa jáne jylýmen qamtý júıesindegi buzýshylyqtardy ýaqytyly joıýǵa múmkindik beredi. 2008 jyldan bastap kásiporynda jylý eseptegish quraldaryn turaqty baqylaý, jylý tutyný tártibiniń, sondaı-aq jylý esepteý júıeleriniń buzylýyna ýaqytyly áreket etý úshin málimetterdi jınaý jáne taratý qondyrǵysynyń (MJTQ) kómegimen jylý energııasyn esepteý quraldarynan aqparattardy ortalyqtandyrylǵan qabyldaý uıymdastyryldy.

2014 jyldyń 15 qańtar jaǵdaıynda málimetterdi taratý qondyrǵysy 2 344 nysanda ornatyldy.