Aǵymdaǵy jyly arnaıy qyzmet 24 terrorlyq árekettiń aldyn aldy - Bas prokýratýra
ASTANA. 22 qarasha. QazAqparat - Bıylǵy jyldyń basynan beri Qazaqstannyń arnaıy qyzmeti elimizdegi 24 terrorlyq árekettiń aldyn aldy.
Búgin Parlament Májilisinde ótip jatqan konferentsııa barysynda sóz sóılegen QR Bas prokýrorynyń birinshi orynbasary Iogan Merkel osylaı málimdedi.
Onyń aıtýynsha, ótken on aıdyń ishinde lańkestikke jáne ekstremızmge baılanysty barlyǵy 112 qylmys anyqtalǵan. Al arnaıy qyzmet bıylǵy jyly júzege asyrýǵa daıyndalyp jatqan 24 terorlyq árekettiń aldyn aldy.
«Budan bólek, sońǵy bes jylda ózge memleketterdiń aýmaǵynda terrorıstik uıymdardyń qyzmetine qatysy bar delingen Qazaqstannyń 40 azamaty ustaldy. Olardyń zańsyz qarýly qurylymdarǵa qatysqany anyqtaldy. Al Qazaqstannyń aýmaǵynda halyqaralyq terrorıstik jáne ekstremıstik uıymdardyń 68 múshesi quryqtaldy», - deıdi Iogan Merkel.
