Aǵymdaǵy jyly ádilet organdary 1,5 mln-ǵa tarta tirkeý úderisterin júzege asyrdy - B. Imashev
Búgin Májiliste ótken Úkimet saǵatynda baıandama jasaǵan Ádilet mınıstri Berik Imashev osylaı málim etti.
«Soǵan oraı, byltyrǵy jyldarmen salystyrǵanda zańdy tulǵalarǵa qatysty tirkeý jumystarynyń 5 paıyzǵa (16 myń 140 tirkeý) artqany baıqalady. Onyń ishinde 8 paıyzyn (10 myń 737) shaǵyn kásipkerlik sýbektisi men fılıaldar jáne ókildikter qurap otyr. Al azamattyq hal aktilerin jazý 5 paıyzǵa artyp, 583 myń 300-diń ústinde bolsa, jyljymaıtyn múlikke quqyqty tirkeý 3 paıyzǵa artyp, 1 mln. 47 myń 453-ti qurady», - deıdi B. Imashev.
Bul rette mınıstr elektrondyq formatta (on-laın) zańdy tulǵalardy tirkeý salasynda memlekettik qyzmetter kórsetiletinin, osyǵan oraı Internet arqyly shamamen 500 uıym tirkelgenin atap ótti. Budan bólek, jyljymaıtyn múlik týraly 4 mln.-nan asa elektrondyq anyqtama berilgen. Azamattyq hal aktilerin tirkeý salasyndaǵy 10 qyzmet túriniń 6-ýy elektrondyq formatqa kóship, bul baǵytta 2,5 myńnan astam aktiler tirkelgen.
