Aǵymdaǵy jyly 322 myń jańa jumys orny ashylady
«Memleket basshysynyń Úkimettiń aldyna qoıǵan eń basty mindetteriniń biri - ol ekonomıkanyń ósý qarqynyn tómendetpeý, azamattardyń ál-aýqatyn jaqsartý, jańa jumys oryndaryn ashý arqyly jumyssyzdyqqa jol bermeý. Álemdik ekonomıkalyq daǵdarysqa qaramastan qabyldanǵan memlekettik baǵdarlamalardy ıgerýdiń arqasynda memleket óz halqynyń aldyndaǵy áleýmettik mindettemelerin qazirgi tańda tolyǵymen oryndap otyr», - dedi B.Saparbaev.
Onyń atap ótýinshe, jumyspen qamtý, jumssyzdyqqa jol bermeý jónindegi Úkimettiń atqarǵan jumystarynyń negizinde barlyq óńirlerde halyqty jumyspen qoldaý jónindegi keshendi josparlar bekitilgen.
«Tek qana bıylǵy jyldyń ózinde 322 myń jumys orny ashylýy kerek. Qazirgi tańda 191 myń adam jumyspen qamtyldy. Ol berilgen tapsyrmanyń 67 paıyzy», - dedi ol.
Úkimet basshysynyń orynbasary óz sózinde jumys oryndaryn qamtamasyz etý úshin kásiporyndarmen arnaıy memorandýmdar jasalǵanyn atap ótti. «Qazirgi ýaqytta 66 myń memorandýmǵa qol qoıylyp, 2 mln. 200 myń adam jumyspen qamtyldy», - dedi ol.