Aǵymdaǵy jyly 322 myń adam jumysqa turady

ASTANA. QazAqparat - Qazaqstannyń barlyq oblystarynda azamattardy jumysqa tartýdyń keshendi jospary ázirlendi. Bul týraly búgin QR Parlamenti Májilisiniń jalpy otyrysynda elimizdiń Densaýlyq saqtaý jáne áleýmettik damý mınıstri Tamara Dúısenova málim etti.

«2011 jyldyń jarty jyldyǵynan beri bastalǵan «Jumyspen qamtý» baǵdarlamasynyń negizinde biz 462 myń adamdy jumyspen qamtydyq. Sonyń ishinde 60 paıyzdan, ıaǵnı 300 myńnan astamy turaqty jumys oryndaryna jiberildi. Al ótken jyly biz 182 myń adamdy jumyspen qamtysaq, sonyń 152 myńy turaqty jumys ornyna jiberilgen bolatyn. Jalpy, biz turaqty jumysqa jiberilgen azamattardy 10 paıyzdyq zeınetaqy jarnasynyń tólengenine qarap, eseptep otyrmyz», - dedi mınıstr depýtattardyń saýalyna oraı.

«Jumyspen qamtý» baǵdarlamasy tek qana azamattardy jumysqa tartýmen emes, sonymen birge daǵdarysqa sharalardy da qamtyǵanyn atap ótken T.Dúısenova baǵdarlamaǵa engizilgen oń ózgeristerge de toqtaldy.

«Bıylǵy jylǵy oń ózgeris, jańa tetigimiz Elbasynyń tapsyrmasyna sáıkes jumyspen qamtý máselesi tek qana bizdiń «Jumyspen qamtý» baǵdarlamyzda ǵana emes, sonymen birge elimizde atqarylyp jatqan barlyq memlekettik jáne salalyq baǵdarlamalarda qaralǵaly otyr. Barlyq oblystarda jumysqa tartý keshendi jospary bekitildi. Sonyń arqasynda 322 myń adamdy bıyly jumysqa tartamyz dep otyrmyz», - dedi ol.