Aǵymdaǵy jyly 300-den astam AÓK sýbektisi kredıt júktemesin tómendetýge ótinim berdi - D.Dáýitov

ASTANA. QazAqparat - Aǵymdaǵy jyly 300-den astam agroónerkásip kesheni sýbektisi qarjylaı saýyqtyrý baǵdarlamasy aıasynda kredıt júktemesin tómendetýge ótinim berdi.

Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte «QazAgroMarketıng» AQ basqarmasynyń tóraǵasy Darhan Dáýitov málim etti.

«Aǵymdaǵy jyldyń mamyr-maýsymynda qarjylaı saýyqtyrý jónindegi komıssııanyń 4 otyrysy ótti. Onda negizgi qaryz somasy 149,2 mlrd. teńgeni quraıtyn 169 AÓK sýbektisiniń ótinimi maquldandy. Qazirgi ýaqytta negizgi qaryzy 100 mlrd. teńgeni quraıtyn shamamen 150 ótinim qaralýda», - dedi ol.

D.Dáýitovtiń atap ótýinshe, 2013 jyly jalpy qaryz somasy 18,4 mlrd. teńgeni quraıtyn 48 agroónerkásip kesheni sýbektisiniń ótinimi maquldanǵan.