Aǵymdaǵy jyly 16 turǵyn úı keshenin aıaqtap, 4625 úleskerlerdi úımen qamtamasyz etý josparlanyp otyr - Almaty ákiminiń orynbasary
ALMATY. Naýryzdyń 24-i. QazAqparat /Danııar Sıqymbaev/ - 2010 jylǵy naýryzdyń 18-indegi jaǵdaı boıynsha, Almatyda 8 142 úlesker qatysqan 33 turǵyn úı kesheni qurylysyna monıtorıng júrgizilýde.
Bul týraly búgin QR Premer-Mınıstri Kárim Másimovtiń qatysýymen ótip jatqan keńeste qala ákiminiń orynbasary Vıktor Doljenkov aıtty.
2 912 úlesken qatysqan bes turǵyn úı kesheni «Samuryq-Qazyna» UÁQ AQ arqyly salynyp jatyr. «Bul topqa «Úkimet-UÁQ-Ekinshi deńgeıli bankter-Qurylys salýshy» shemasy boıynsha memlekettik qoldaýdyń birinshi transhymen salynýy jalǵastyrylyp jatqan nysandar kiredi. Ol «Samuryq-Qazyna» Jyljymaıtyn múlik qory» AQ arqyly qarjylandyrylýda. 2 278 úlesker qatysyp otyrǵan jeti turǵyn úı kesheni «Strestik aktıvter qory» AQ arqyly odan ári salynýda. Bul topqa «Saıran» shaǵynaýdanyndaǵy «Úshtóbe» jáne «Taý Samal» turǵyn úı keshenderi kiredi. Munda «29 kvartal», «46 kvartal» jáne «Úshtóbe» turǵyn úı keshenderinde qurylys jumystary qaıtadan qolǵa alyndy, olar bıylǵy jyly paıdalanýǵa berilmek, sondaı-aq «»2», «20» jáne «42» kvartaldar turǵyn úı keshenderinde nóldik tsıkldi jobalaý aıaqtaldy, bul keshender 2011 jyly paıdalanýǵa beriledi», - dedi V.Doljenkov.
Sondaı-aq «Taý Samal» turǵyn úı keshenin qala ákiminiń «Kúrdeli qurylys kásipornyn» tartý jáne «Strestik aktıvter qory» AQ-dan qarjylandyrý arqyly qurylysyn jalǵastyrýǵa sheshim qabyldandy. Derbes qurylys salýshylar 1 881 úlesker qatysatyn 15 turǵyn úıdi salýdy jalǵastyrýda. «Trıstar», «Jaıly-2» jáne «Jaıly-3» turǵyn úı keshenderi boıynsha bólek sheshim qabyldaý qajet, olarda 503 úlesker bar. «Trıstar» turǵyn úı kesheni boıynsha nysandy tárkilengen múlikter tizimine alyp, odan ári kommýnaldyq menshikke berý úshin ádilet mınıstrliginiń járdemi qajet, nysandy memlekettik qoldaý aýqymynda salýdy jalǵasytyrý kerek, munda jumystar júrgizilip jatyr. «Jaıly-2» jáne «Jaıly-3» turǵyn úı keshenderi boıynsha úleskerlerdiń turǵyn úı-qurylys kooperatıvin qurý usynylyp otyr, ol úshin qurylys salýshynyń aktıvteri men basqa da múlikterin alý jóninde sotqa úleskerler TQK paıdasyna talap-aryz berip, odan ári «Kúrdeli qurylys kásiporny» JShS-men shart jasasý qjet, sóıtip, aldanǵan úleskerlerdiń talabyn qamtamasyz etýge bolady», - dedi V.Doljenkov.
«Aǵymdaǵy jyly biz barlyǵy 16 turǵyn úı keshenin aıaqtap, 4625 úleskerdi turǵyn úımen qamtamasyz etýdi josparlap otyrmyz», - dep atap ótti Almaty ákiminiń orynbasary».
