Aǵymdaǵy jyly 15,9 mln. gektar alqapqa dándi-daqyldar egiledi
ASTANA. 2 sáýir. QazAqparat - Kóktemgi egis alqaby 18,6 mln. gektardy quraıdy. Bul týraly búgin selektorlyq tártiptegi Úkimet otyrysynda kóktemgi egis naýqany boıynsha baıandama jasaǵan QR Aýyl sharýashylyǵy mınıstri Asyljan Mamytbekov málim etti.
Mınıstrdiń aıtýynsha, dándi-daqyldar 15,9 mln. gektarǵa, onyń ishinde bıdaı 13 mln. alqapqa egiledi.
Aıta keteıik, 2013 jylǵy deńgeımen salystyrǵanda bıdaı alqabynyń 468 myń gektarǵa, kúrishtiń 5,7 myń gektarǵa azaıýy kútilýde.
«Onyń ornyna júgeri alqaby 5,6 myń gektarǵa, sondaı-aq basqa dándi-daqyldar alqaby 76,8 myń gektarǵa ulǵaıady»,-dedi A. Mamytbekov.
Belgili bolǵanyndaı, maıly daqyldar egisteri bıyl 1,9 mln. gektarǵa jetedi. Mal azyǵy daqyldary 3,1 mln. gektardy quramaq.
