Aǵymdaǵy jylý berý maýsymynda elimizdiń ońtústik óńiri túrikmen gazymen qamtamasyz etilýde - S.Myńbaev
ASTANA. 28 jeltoqsan. QazAqparat /Rýslan Ǵabbasov/ - Aǵymdaǵy jylý berý maýsymynda elimizdiń ońtústik óńiri túrikmen gazymen qamtamasyz etilýde. Bul týraly búgin 11 aıdyń qorytyndysyna arnalǵan Úkimet otyrysynda munaı jáne gaz mınıstri Saýat Myńbaev málim etti.
Mınıstr óz sózinde Ózbekstan gazynyń tranzıti tómendegennen keıin, Túrikmenstan gazynyń tranzıti aıtarlyqtaı artqanyn atap ótti. Birinshi kezekte bul Qytaı baǵytynda júzege asyrylýda. Osy oraıda ol Túrikmenstan gazymen elimizdiń ońtústik óńiri qamtamasyz etilip otyrǵandyǵyn jetkizdi.
«Aǵymdaǵy jylý berý maýsymynda 500 mln. tekshemetrge deıin túrikmen gazyn paıdalaný josparlanyp otyr. 10 qazannan beri biz 230 mln. tekshemetr gazdy paıdpalandyq», - dedi S. Myńbaev.
