Aǵymdaǵy jylǵy toǵyz aıda qurylystaǵy baǵa 2,2 paıyzǵa ósti
ASTANA. 9 qazan. QazAqparat - 2013 jylǵy qyrkúıekte ótken jylǵy jeltoqsanmen salystyrǵanda qurylys-montaj jumystaryna baǵalar 2,2%, ózge de jumystar men shyǵyndarǵa - 2,9%, mashınalar men jabdyqtarǵa - 1,2%-ǵa ósti. Bul týraly búgin QR Statıstıka agenttiginen habarlandy.
«Aǵymdaǵy jylǵy qyrkúıekte 2012 jylǵy jeltoqsanmen salystyrǵanda qurylys uıymdary satyp alǵan materıaldar, bólshekter jáne konstrýktsııalardyń baǵalary 0,2%-ǵa ósti. Betondar men eritindiler 4,9%, boıaýlar men emaldar - 1,7%, bıtým - 1,5%-ǵa qymbattady»,-delingen habarlamada.
Profılder men buryshtar baǵasy 2,6%, jaıma bolat - 1,5%, otqa tózimsiz qysh kirpishter - 1,1%, elektrjaryqtandyrý jabdyqtary - 1%, tabaqty shyny - 0,6%-ǵa tómendedi.
