Aǵymdaǵy jylǵy tamyzda jumyssyzdar sany 496,7 myń adamdy qurady - Statıstıka agenttigi
ASTANA. Qyrkúıektiń 13-i. QazAqparat /Marlan Jıembaı/ - Aǵymdaǵy jylǵy tamyzda jumyssyzdar sany 496,7 myń adamdy qurady. Bul týraly búgin elordada elimizdiń aǵymdaǵy jyldyń qańtar-tamyz aılaryndaǵy áleýmettik-ekonomıkalyq damýynyń qysqasha qorytyndylaryna arnalǵan baspasóz máslıhaty barysynda QR Statıstıka agenttiginiń tóraǵasy Álıhan Smaıylov málim etti.
«Aǵymdaǵy jylǵy tamyzda jumyssyzdar sany 496,7 myń adamdy qurady. Jumyssyzdyq deńgeıi ekonomıkalyq belsendi halyq sanynyń 5,7 paıyzyna teń», dedi ol.
Vedomstvonyń aqparatyna sáıkes, jumyspen qamtý organdarynda jumyssyzdar retinde tirkelgender sany aǵymdaǵy jylǵy tamyzdyń sońynda 70,3 myń adamdy nemese ekonomıkalyq belsendi halyq sanynyń 0,8 paıyzyn quraǵan.
