Aǵymdaǵy jylǵy naýryzda azyq-túlik taýarlarynyń baǵasy ótken jylǵy sáıkes merzimge qaraǵanda 4,6 paıyzǵa ósti
ASTANA. 2 sáýir. QazAqparat - 2012 jylǵy naýryzda azyq-túlik taýarlarynyń baǵasy 2011 jylǵy sáıkes kezeńmen salystyrǵanda 4,6 paıyzǵa joǵarylady.
Statıstıka agenttiginiń málimetinshe, 2012 jylǵy naýryzda 2011 jylǵy tıisti aımen salystyrǵanda baǵa kondıterlik ónimderge 7,7 paıyzǵa, toqash jáne un ónimderine - 6,1paıyzǵa, sút ónimderine - 5,5 paıyzǵa, kofe, shaı jáne kakaoǵa - 5 paıyzǵa, balyq jáne teńiz ónimderine - 4,7 paıyzǵa, alkogoldi ishimdikterge - 4,4 paıyz deńgeıinde, makaron ónimderine - 2,7 paıyzǵa, nanǵa - 1,9 paıyz, maı jáne toń maıǵa - 0,4 paıyzǵa ósti. Baǵanyń tómendeýi qantqa 17,5 paıyz, jemister men kókónisterge - 16,2 paıyz, jarmalarǵa - 8,2 paıyz, unǵa - 4,9 paıyz deńgeıinde baıqaldy.
Atalǵan kezeńde et jáne et ónimderi baǵasynyń ósimi 20,1 paıyzdy qurady. Sıyr etine baǵa deńgeıi 29,1 paıyzǵa, qoı etine - 28 paıyzǵa, jylqy etine - 22,3 paıyzǵa, shoshqa etine - 15,8 paıyzǵa, shujyq ónimderine - 9,4 paıyz, qus etine 5,4 paıyzǵa joǵary boldy
