Aǵymdaǵy jylǵy qańtar-shilde aılarynda elimizdegi júk aınalymy 10,4 paıyzǵa ósti - QR Statıstıka agenttigi
ASTANA. Tamyzdyń 12-ci. QazAqparat /Qanat Mámetqazyuly/ - Statıstıka agenttiginiń taratqan málimetterine qaraǵanda, 2010 jylǵy qańtar-shilde aılarynda elimizdegi júk aınalymynyń kólemi 201,3 mlrd. t/shm-dy qurap,
2009 jylǵy tıisti kezeńmen salystyrǵanda 10,4 paıyzǵa ósti.
Sonymen qatar, 2010 jylǵy qańtar-shildede aýyl sharýashylyǵy jalpy óniminiń kólemi 460,0 mlrd. teńgege jetken. Bul ótken 2009 jyldyń osy kezeńimen salystyrǵanda 1,3 paıyzǵa artyq kórsetkish. Al esepti kezeńde negizgi kapıtalǵa salynǵan ınvestıtsııalar kólemi 2 trln. 257,6 mlrd. teńgeni qurady. Bul kórsetkish ótken jylǵy sáıkes kezeńge qaraǵanda 2,9 paıyzǵa kem bolyp otyr.
Budan bólek, esepti kezeńde elimizdegi bólshek saýda taýar aınalymy (qoǵamdyq tamaqtandyrý aınalymynsyz) 158 trln. 996 mlrd. 8,7 mln. teńgeni qurap, onyń deńgeıi 2009 jylǵy qańtar-shildemen salystyrǵanda 13,3 paıyzǵa ósti. Sondaı-aq, atalǵan merzim aralyǵynda tamaq ónimderi men sýsyndardy usyný boıynsha qyzmetter kólemi 74 mlrd. 617,7 mln. teńgeni qurady jáne bul kórsetkish 2009 jylǵy qańtar-shildemen salystyrǵanda 7,5 paıyzǵa joǵary.
