Aǵymdaǵy jylǵy qańtar-qazanda syrtqy saýda-taýar aınalymy 113,6 mlrd. AQSh dollaryn qurady
ASTANA. 13 jeltoqsan. QazAqparat - Aǵymdaǵy jylǵy qańtar-qazanda syrtqy saýda-taýar aınalymy 113,6 mlrd. AQSh dollaryn qurady. Bul týraly búgin QR Statıstıka agenttiginiń tóraǵasy Álıhan Smaıylov málim etti.
«Qazaqstan 20 jyldyń ishinde álemdik ekonomıkaǵa tereń ıntegratsııalandy. Qazirgi ýaqytta respýblıka is júzinde álemniń barlyq elderimen saýda-sattyq júrgizedi, barlyq qurlyqtaǵy 212 memleket pen aýmaqtar Qazaqstannyń saýda seriktesi bolyp tabylady», dedi Á.Smaıylov.
Agenttik basshysynyń atap ótýinshe, syrtqy saýda-taýar aınalymynyń kólemi 1995 jylǵy 9,1 mlrd. AQSh dollarynan 2011 jyly 125,7 mlrd. AQSh dollaryna deıin ósti. 2012 jylǵy qańtar-qazandaǵy syrtqy saýda-taýar aınalymy 113,6 mlrd. AQSh dollaryn qurady nemese 2011 jylǵy sáıkes kezeńnen 11,6 paıyzǵa artyq.
