Aǵymdaǵy jylǵy birinshi jartyjyldyqta ótkizilgen aýyl sharýashylyǵy ónimine baǵa 11,3 paıyzǵa ósti
ASTANA. 9 shilde. QazAqparat - Aǵymdaǵy jylǵy birinshi jartyjyldyqta ótkizilgen aýyl sharýashylyǵy ónimine baǵa 11,3 paıyzǵa ósti, dep habarlady QR Statıstıka agenttiginen.
Vedomstvonyń atap ótýinshe, 2011 jylǵy maýsymda ótken 2010 jylǵy jeltoqsanmen salystyrǵanda aýyl sharýashylyǵy qurylymdary ótkizgen ósimdik sharýashylyǵy ónimi 14,5, mal sharýashylyǵy ónimi 6,7 paıyzǵa qymbattady.
Aǵymdaǵy jylǵy qańtar-maýsymda baǵa bıdaıǵa 16,4, arpaǵa - 13,8, sulyǵa - 12,8, qaraqumyqqa - 6, júgerige - 5, qara bıdaıǵa - 4,5, kúrishke 3,2 paıyzǵa ósti.
Sonymen qatar qyryqqabat 27,3, kartop - 18,2, ashanalyq qyzylsha - 18, basty pııaz - 16,2, sábiz 11,3 paıyzǵa qymbattady. Baǵa ósimi kúnbaǵys tuqymyna 11,4, burshaqqa 5 paıyzdy qurady.
Baǵa qoı etine 16, iri qara mal etine - 15,2, jylqy etine - 8,4, qus etine - 3,7, shoshqa etine 2,3 paıyzǵa artty. Al shıki sút 8,9, jún - 5,5, bal 5,1 paıyzǵa qymbattasa, jumyrtqa 18,8 paıyzǵa arzandady.
