Aǵymdaǵy jylǵy birinshi jartyjyldyqta qurylystaǵy baǵa 3 paıyzǵa ósti
ASTANA. 8 shilde. QazAqparat /Qanat Mámetqazyuly/ - Statıstıka agenttiginiń habarlaýyna qaraǵanda, aǵymdaǵy jyldyń birinshi jartyjyldyǵynda elimizdegi qurylystaǵy baǵa 3 paıyzǵa artty.
Atap aıtqanda, agenttiktiń málimetterine qaraǵanda, 2011 jylǵy maýsymda ótken jylǵy jeltoqsanmen salystyrǵanda qurylys-montaj jumystaryna baǵa 3,1 paıyzǵa, mashınalar men jabdyqtarǵa - 3,7 paıyzǵa, ózge de jumystar men shyǵyndarǵa - 2,2 paıyzǵa ósken.
Budan bólek, jartyjyldyq ishinde qurylys uıymdary satyp alǵan materıaldar, bólshekter jáne konstrýktsııalardyń baǵasy 0,8 paıyzǵa ósti. Sonymen qatar, jınalmaly bolat konstrýktsııalar 6,2 paıyzǵa, portlandtsement - 2,2 paıyzǵa, qurylys qumy - 1,8 paıyzǵa, aǵash-talshyqty taqtalar - 1,7 paıyzǵa, ǵanyshkarton - 1,5 paıyzǵa, olıfa - 1,4 paıyzǵa qymbattady.
Kerisinshe, sýyq asfaltbeton 1,3 paıyz, qurylys jumystaryna arnalǵan ǵanysh jáne kóp qýysty jabyndardyń jáne arajabyndardyń taqtalary - 0,5 paıyzdan, árleý qurylys eritindisi - 0,1 paıyzǵa arzandaǵan.
