Aǵymdaǵy jylǵy birinshi jartyjyldyqta aýyl sharýashylyǵy ónimine baǵa 11,3 paıyzǵa ósti

Statıstıka agenttiginiń málimetterine qaraǵanda, 2011 jylǵy maýsymda ótken 2010 jylǵy jeltoqsanmen salystyrǵanda aýyl sharýashylyǵy qurylymdaryndaǵy ósimdik sharýashylyǵy ónimi 14,5 paıyzǵa, mal sharýashylyǵy ónimi - 6,7 paıyzǵaǵa qymbattaǵan. Sonymen qatar, aǵymdaǵy jylǵy qańtar-maýsymda baǵa bıdaıǵa 16,4 paıyz, arpaǵa - 13,8 paıyz, sulyǵa - 12,8 paıyz, qaraqumyqqa - 6 paıyz, júgerige - 5 paıyz, qara bıdaıǵa - 4,5 paıyz, kúrishke - 3,2 paıyzǵa ósti. Sonymen qatar, qyryqqabat 27,3 paıyzǵa, kartop - 18,2 paıyzǵa, ashanalyq qyzylsha - 18 paıyzǵa, basty pııaz - 16,2 paıyzǵa, sábiz - 11,3 paıyzǵa qymbattaǵan. Baǵa ósimi kúnbaǵys tuqymyna 11,4 paıyzdy, burshaqqa - 5 paıyzdy qurady.

Budan bólek, baǵa qoı etine 16 paıyz, iri qara mal etine - 15,2 paıyz, jylqy etine - 8,4 paıyz, qus etine - 3,7 paıyz, shoshqa etine - 2,3 paıyzǵa ósken. Al shıki sút 8,9, jún - 5,5 paıyzǵa, bal - 5,1 paıyzǵa qymbattap, jumyrtqa 18,8 paıyzǵa arzandady .